Колькасць занятых у эканоміцы жыхароў Беларусі працягвае скарачацца – за студзень гэтая лічба ўпала яшчэ на 11 тыс. чалавек, паведамляе Тэлеграм-канал «Вашы грошы» са спасылкай на дадзеныя Белстата.
Урад спрабуе спыніць адток кадраў з эканомікі, але пакуль беспаспяхова. У новай канцэпцыі міграцыйнай палітыкі на 2024-28 гады запланаваныя дадатковыя меры «па стымуляванні вяртання беларускіх грамадзян, якія выехалі на працу за межы Рэспублікі Беларусь».
У студзені 2024 года ў эканоміцы краіны было працаўладкавана 4 млн 129 тыс. чалавек. Пры гэтым у Беларусі адзначаецца рэкордна нізкае беспрацоўе, якое разлічваецца ў тым ліку паводле прынятых міжнародных метадалогій.
Прычыны зніжэння колькасці занятых разнастайныя – ад дэмаграфічных праблем і эміграцыі да неэфектыўнай кадравай палітыкі ды параўнальна нізкіх заробкаў. Пакуль рашэнні, якія прымаюцца для пераадолення праблем, іх толькі пагаршаюць.
вс