«Пачобут усё яшчэ знаходзіцца ў памяшканні камернага тыпу (ПКТ) у Наваполацку», — паведамляе «Наша Ніва». Выданне інфармавала раней, што на апошняй акцыі салідарнасці з журналістам у Бельску было заяўлена, што Пачобута перавялі ў звычайную камеру. Пазней партал апублікаваў абвяржэнне гэтай інфармацыі, адзначыўшы, што яна «не адпавядае рэчаіснасці».
Пры гэтым, выданне пакінула інфармацыю пра тое, што Пачобут атрымлівае лісты ад блізкіх і часам да яго дапускаюць адваката.
Анджэй Пачобут быў затрыманы 25 сакавіка 2021 года і з таго часу знаходзіцца за кратамі. На судзе, які адбыўся ў пачатку 2023 года, улады абвінавацілі Пачобута, грамадзяніна Беларусі і актывіста польскай меншасці, у «распальванні сацыяльнай варожасці», а яго дзеянні, звязаныя з падтрымкай польскасці і публікацыямі артыкулаў у СМІ, былі расцэненыя як «рэабілітацыя нацызму». Пачобут таксама быў абвінавачаны ў «закліках да дзейнасці на шкоду Беларусі». Актывіст быў асуджаны на восем гадоў пазбаўлення волі.
Праваабарончыя арганізацыі прызнаюць Пачобута палітычным вязнем, а пераслед у дачыненні да яго — палітычна матываваным. Польскія ўлады пастаянна патрабуюць вызвалення Пачобута і яго рэабілітацыі. У адказ на несправядлівае прысуджэнне журналіста Польшча закрыла мытны пераход у Баброўніках.
Наша Ніва/IAR/нг