Сталі вядомыя падрабязнасці справы журналісткі Вольгі Радзівонавай, асуджанай на 4-ы гады калоніі агульнага рэжыму.
Як паведамляе Генпракуратура, Вольгу асудзілі за артыкулы ў нямецкай газеце Die Tageszeitung, дзе яна апісвала сітуацыю ў Беларусі. Паводле версіі абвінавачвання, у артыкулах былі «выказванні, накіраваныя на ўзбуджэнне нацыянальнай і сацыяльнай варожасці, дыскрэдытацыю Рэспублікі, а таксама паклёп і абразы ў дачыненні да кіраўніка дзяржавы».
Журналістку абвінавацілі па чатырох артыкулах Крымінальнага кодэкса: паклёп і абраза Лукашэнкі, дыскрэдытацыя Беларусі і распальванне сацыяльнай варожасці.
Ёй прысудзілі штраф у 4 тыс. рублёў і спагналі даход, атрыманы ад публікацый.
Праваабаронцы прызналі Вольгу Радзівонаву палітзняволенай, паведамляе «Еўрарадыё».
Як паведамлялася раней, затрымалі журналістку ў сакавіку 2024 года. Да 2020 года Радзівонава працавала ў KYKY.org, а таксама супрацоўнічала як фрылансер з беларускімі і замежнымі СМІ.
На свабодзе ў журналісткі засталася хворая маці, якой патрэбны пастаянны догляд — жанчыне ўжо больш за 80 гадоў.
вс