«Мы спыняем супрацоўніцтва з арганізацыяй "Belarus Passport Center“ і спыняем выпуск гэтага непрызнанага беларускага пашпарта», – гаворыцца ў лісце кіраўніцы кампаніі «Garsų pasaulis» Аны Янаўскене, паведамляе Еўрарадыё.
Літоўская кампанія прыняла дадзенае рашэнне пасля крытыкі з боку палітыкаў і папярэджання праваахоўных органаў Літвы.
«Пашпарты Новай Беларусі», падрыхтаваныя для беларускіх палітуцекачоў, у Літве павінны лічыцца несапраўднымі. Суд прыме канчатковае рашэнне, ці прызнаваць іх выраб злачынствам. Пра гэта гаворыцца ў «тлумачальна-інфармацыйным» лісце генпракурора Літвы Гінтаса Іванаўскаса.
Крыніца: Еўрарадыё/юл