За апошнія сем гадоў у Польшчы закрылiся больш за 2 200 аптэк, летась - каля 200. Галоўныя прычыны – эканамічныя.
Асабліва ў невялікіх гарадах назіраецца небяспечная тэндэнцыя – буйныя аптэчныя сеткі выцясняюць з рынку невялікія суб'екты гаспадарання, кажа старшыня Вышэйшай фармацэўтычнай рады Марэк Томкаў (Marek Tomków):
-Тэндэнцыя бачная ўжо ў Цэнтральным рэестры аптэк, дзе мы бачым адлюстраванне гэтых працэсаў. Буйныя сеткі спачатку купляюць невялікія аптэкі ў сваім раёне, а пазней іх закрываюць, каб справіцца з канкурэнцыяй. Гэта недобрасумленныя дзеянні.
Між тым, частка аптэк знікла з рынку ў Польшчы таксама па іншых прычынах, напрыклад, за ўдзел у незаконных дзеянняў, нагадвае Марэк Томкаў:
- Сотні аптэк былі зачыненыя за нелегальны гандаль лекамі або за гандаль субстанцыямі, з якіх вырабляюцца наркатычныя рэчывы. Такім чынам, у групу закрытых аптэк улічваюцца і тыя, у якіх адабралі дазволы на дзейнасць.
У 2017 годзе ў Польшчы працавалі 13 607 аптэк. Як прызнаюць прадстаўнікі сектара, у той час новыя аптэкі часта адкрываліся ў нерацыянальных месцах і таму таксама неўзабаве банкрутавалі. «У той час у нас было столькі аптэк, колькі ў Вялікабрытаніі, дзе пражывае больш за 65 мільёнаў чалавек», - нагадаў старшыня Вышэйшай фармацэўтычнай рады.
Цяпер у Польшчы працуе каля 11 тысяч аптэк.
IAR/аз