З 2025 года ў Беларусі ўступяць у сілу змены ў падатковым заканадаўстве. Будуць праіндэксаваныя шэраг падаткаў: зямельны, на нерухомасць, экалагічны і падаходны ў фіксаваных сумах на ўзровень інфляцыі (5,4%).
Падатак на нерухомасць
Стаўка для першай кватэры застаецца 0,1% ад разліковага кошту метра, які павялічыцца. У Мінску — да 1020 руб., у абласных цэнтрах — да 850 руб., у буйных гарадах — да 748 руб., у іншых населеных пунктах — да 567 руб.
Арэнда жылля
Падатак павялічыцца. У Мінску — да 50 рублёў за пакой, у абласных цэнтрах — да 46 руб., у раённых гарадах — да 31 руб., у пасёлках — да 22 руб.
Транспартны падатак
Стаўкі вырастуць. Для легкавых аўто да 1,5 тоны — 70 руб., больш за 3 тоны — 253 руб.
Падатак для заможных
Парог даходаў для выплаты падатку на звышдаходы (25%) павялічыцца да 220 тыс. руб. Для астатніх стаўка застанецца 13%.
Сабакі
Падатак на патэнцыйна небяспечныя пароды павялічыцца да 63 руб. у квартал, для астатніх — да 13 руб. Уводзяцца льготы для інвалідаў, пенсіянераў і шматдзетных сем’яў.
Крыптавалюта
Даходы ад аперацый з токенамі будуць абкладацца падаткам, акрамя здзелак праз рэзідэнтаў Парка высокіх тэхналогій ці майнінгу.
Падарункі
Ліміт неабкладаемай падаткам сумы падарункаў павялічыцца з 10 431 да 11 516 руб.
Гэтыя змены скіраваныя на павелічэнне даходаў бюджэту дзяржавы.
Крыніца: Хартыя'97
нг