Дзеці, чые бацькі прыцягваліся да адказнасці за нелаяльнасць уладам, могуць атрымліваць статус такіх, што знаходзяцца ў сацыяльна небяспечным становішчы (СНС), вынікае з пастановы Савета міністраў ад 30 снежня 2024 года № 1055 «Аб прызнанні дзяцей такімі, што знаходзяцца ў сацыяльна небяспечным становішчы і маюць патрэбу ў дзяржаўнай абароне». Дакумент афіцыйна апублікаваны і набыў моц 1 студзеня 2025 года, паведамляе «Позірк».
У прыватнасці, згодна з дакументам, паказчыкам сацыяльна небяспечнага становішча з’яўляецца ўстанаўленне фактаў прыцягнення бацькоў і (або) вызвалення іх ад адміністрацыйнай адказнасці, напрыклад, за карыстанне незалежнымі крыніцамі інфармацыі, якія ўлады лічаць «экстрэмісцкімі матэрыяламі» (арт. 19.11).
Падобная пагроза для дзіцяці звязаная таксама з удзелам непаўналетняга ў сходзе, мітынгу, вулічным шэсці, дэманстрацыі, пікетаванні, іншым масавым мерапрыемстве, якія праводзяцца з парушэннем устаноўленага парадку (арт. 19.4); хуліганства, у тым ліку нецэнзурная лаянка ў грамадскім месцы(арт. 19.1); за нацыянальны бел-чырвона-белы сцяг і прывітанне: «Жыве Беларусь!» (арт. 19.10); і г.д. Пастанова ўрада будзе прымяняцца заднім днём.
Сярод мер «дзяржаўнай абароны» - пазбаўленне бацькоўскіх правоў і адбіранне дзіцяці з сям’і.
аз