Вольгу Маёраву, асуджаную на 20 гадоў, зноў будуць судзіць

Яе судзілі разам з «групай Аўтуховіча». Вольга Маёрава атрымала 20 гадоў калоніі па розных артыкулах.

Ілюстрацыя

Inactive_account_ID_249/pixabay.com/CC0 Public Domain

У раскладзе суда Чыгуначнага раёну Гомля з’явілася крымінальная справа ў дачыненні Вольгі Маёравай. Яна цяпер адбывае 20-гадовы тэрмін у гомельскай калоніі, паведамляе «Свабода».

Згодна раскладу, 5 сакавіка пачнецца разгляд яе справы па артыкуле 411 КК – «злоснае непадпарадкаванне адміністрацыі калоніі».

Справу будзе разглядаць суддзя Ганна Сакалова, вядомая сваімі прысудамі для «палітычных».

Вольгу Маёраву судзілі разам з «групай Аўтуховіча». Яна атрымала 20 гадоў калоніі па розных артыкулах, у тым ліку за «ўдзел у злачыннай арганізацыі» і «заклікі да санкцый». Палітзняволеная не прызнала віну, абскардзіла вырак. Але Вярхоўны суд адхіліў яе скаргу.

У траўні 2023 году Вольгу Маёраву скіравалі ў гомельскую жаночую калонію.

аз