Паводле звестак з сацыяльных сетак, у цэнтры Мінску, на вуліцы Сухой, 25, знішчаны будынак Гістарычнай майстэрні імя Леаніда Левіна пры Мінскім міжнародным адукацыйным цэнтры, – паведамляе belsat.eu.
Гістарычная майстэрня пачала працаваць у сакавіку 2003 года. Тут ладзіліся міжнародныя канферэнцыі і семінары. Майстэрня змяшчала выставу на тэму Халакосту.
Сам дом быў пабудаваны ў пачатку XX стагоддзя і належаў сям’і Бяркоўскіх. Пасля 1929 года быў нацыяналізаваны і, як мяркуецца, выкарыстоўваўся прамысловаю арцеллю. Падчас вайны ён мясціўся ў межах Менскага гета. У гэтым доме ля могілак было таемнае сховішча – так званая «маліна», дзе габрэі маглі схавацца. 23 кастрычніка 1943 года нацысцкія акупанты абвясцілі Мінск вольным ад габрэяў. Аднак у будынку схаваліся 26 габрэяў з гета, і 13 з іх дажылі да вызвалення.
У пасляваенны час тут былі ЗАГС, швейная майстэрня і будаўнічы склад
З будынкам мяжуюць знішчаныя за савецкім часам мінскія габрэйскія могілкі.
эж