Рынак нерухомасці ў Мінску зноў б'е рэкорды: кошты на квадратны метр вяртаюцца да ўзроўню дзесяцігадовай даўніны, а колькасць здзелак расце, піша re.kufar.by.
У 2024 годзе нерухомасць у Мінску карыстаецца высокім попытам. Сярэдні кошт квадратнага метра на другасным рынку дасягнуў 1590 долараў. Гэта максімум, які быў толькі ў 2013–2014 гадах.
Эксперты звязваюць рост з даступным крэдытаваннем і стабільнасцю курса валют. І цэны на нерухомасць толькі за 11 месяцаў 2024 года выраслі на 14%.
Але ўжо назіраецца запаволенне: увосень зніжкі на кватэры застаюцца мінімальнымі, а рост коштаў губляе дынаміку.
Эксперты адзначаюць, што ў пачатку 2025 года можа наступіць «пераломны момант», калі попыт традыцыйна зніжаецца, а разам з ім магчыма зніжэнне коштаў.
вх