Сярэдняя працягласць падарожжаў складае 5-6 дзён, пры гэтым турысты праяўляюць цікавасць як да аздараўленчага адпачынку, так і да культурнай праграмы. Пра гэта піша РІА Навіны са спасылкай на інфармацыю ад расійскіх тураператараў.
Па дадзеных тураператара «Алеан», найбольшым попытам у расійскіх турыстаў карыстаюцца беларускія санаторыі — на іх прыпадае 81% усіх браніраванняў. Экскурсійныя туры складаюць 11% заказаў, пражыванне ў мінскіх гатэлях — 8%.
Цікавасць да экскурсій за год павялічылася ў паўтара раза, пры гэтым падаражэлі яны ўсяго на 5 працэнтаў. Найбольш запатрабавана праграма, якая ўключае Мінск, Брэст, Камянец і Белавежскую пушчу. Таксама турысты цікавяцца наведваннем сярэднявечных замкаў, у прыватнасці, Мірскага замка ў Гродзенскай вобласці.
Пікавым перыядам для заездаў сталі даты з 30 снежня да 3 студзеня. У санаторыях расіяне аддаюць перавагу больш працягламу перабыванню — каля 10–11 дзён з лячэннем. Многія здраўніцы прапануюць спецыяльныя навагоднія праграмы і банкеты.
Адзначаецца, што паездкі ў Беларусь прыцягваюць расійскіх турыстаў дзякуючы адсутнасці моўнага бар'ера і простай арганізацыі падарожжа: не патрабуюцца замежны паспарт і віза. Дадатковай перавагай называюць магчымасць выкарыстання карт плацежнай сістэмы «Мір» і зручны абмен расійскай валюты. Таксама расіян цікавіць шопінг, бо ў Беларусі засталося шмат заходніх брэндаў.
zerkalo.io/вх