13 студзеня ў судзе Рэчыцкага раёна прызначаны разгляд адміністрацыйнай справы Вікторыі Касцюхінай. Яе абвінавачваюць у распаўсюджванні экстрэмісцкіх матэрыялаў. Працэс будзе весці суддзя Вольга Фядосава, паведамляе «Гомельская вясна».
Пра палітычны пераслед настаўніцы паведаміў рэчыцкі прарэжымны Тэлеграм-канал. Паводле яго, жанчыну пераследуюць за тое, што яна «ў сціплым чаціку ў «Вайберы» на 11 чалавек сярод сваіх калег і сябровак лаяла «крывавы рэжым», дабротамі якога яна не цуралася карыстацца».
Акрамя таго, яе абвінавацілі ў тым, што на выбарах 2020 года настаўніца галасавала за Святлану Ціханоўскую.
Адзін суд над Касцюхінай ужо адбыўся і ёй далі штраф — пасля гэтага жанчыну звольнілі з працы ў раённай гімназіі.
вс