Праз некалькі месяцаў, 18 жніўня 1925 г., Польскае радыё атрымала ліцэнзію на трансляцыю агульнанацыянальнай радыёпраграмы.
Найдаўжэйшым польскім вяшчаннем і найстарэйшым пастаянным радыёвяшчаннем у свеце з’яўляецца перадача Марыяцкага гуку трубы з вежы Марыяцкай базылікі ў Кракаве, якая пачалася ў 1927 годзе.
Жывы сыгнал з Кракава выходзіць кожны дзень са студыі ў Варшаве.
Міжваенны перыяд быў часам інтэнсіўнага радыёвяшчання ў краіне. Пераломным быў 1936 год, калі было ўведзена шмат тэхнічных навінак, у тым ліку запіс гуку на сталёвую стужку.
Да 1939 года Польскае радыё выкарыстоўвала два метады гуказапісу — на дэкалітныя пласцінкі і металафоны і на сталёвыя магнітныя стужкі.
Калекцыя з 93 арыгінальных пласцінак Польскага радыё з запісамі за верасень 1939 года была занесена ў Нацыянальны спіс праграмы ЮНЕСКА «Памяць свету», гэтыя запісы выратавалі супрацоўнікі Польскага радыё, схаваўшы іх да захопу станцыі немцамі.
IAR/вх