У сталіцы Ірландыі Дубліне ноччу ўспыхнулі беспарадкі пасля таго, як мужчына з Алжыра напаў з нажом на групу людзей, у тым ліку дзяцей. 5-гадовая дзяўчынка знаходзіцца ў цяжкім стане, таксама пацярпелі двое дзяцей пяці і шасці гадоў і жанчына каля 30 гадоў. 50-гадовы зламыснік затрыманы.
Пасля нападу сотні людзей выйшлі на вуліцы ў цэнтры Дубліна, падпальваючы аўтамабілі і нападаючы на гарадскія аўтобусы і трамваі. Некаторыя людзі рабавалі крамы. Адбыліся сутычкі з паліцыяй. Некалькі афіцэраў атрымалі лёгкія раненні. Раніцай сітуацыя пачала супакойвацца. Кіраўнік ірландскай паліцыі абвінаваціў у пачатку беспарадкаў хуліганаў з ультраправых груповак.
У сувязі з беспарадкамі амбасада Польшчы ў Дубліне заклікала людзей пазбягаць месцаў, дзе адбываюцца беспарадкі, і выконваць рэкамендацыі службаў.
ПР/юл