Міхаіл Касьянаў быў прэмʼер-міністрам падчас першага прэзідэнцтва Уладзіміра Пуціна з 2000 па 2004 год. Раней, у 1999-2000 гадах, ён займаў пасаду міністра фінансаў. Пазней ён стаў заўзятым крытыкам уладаў у Крамлі.
Мінюст абвінавачвае Касьянава ў тым, што ён выступае «супраць спецыяльнай ваеннай аперацыі ва Украіне» і ўваходзіць у «Расійскі антываенны камітэт», які ўлады лічаць «арганізацыяй, скіраванай на дыскрэдытацыю знешняй і ўнутранай палітыкі Расіі».
Камітэт быў створаны за мяжой у 2022 годзе некалькімі расійскімі апазіцыянерамі, у тым ліку былым алігархам Міхаілам Хадаркоўскім.
Палажэнне аб «замежных агентах» у Расіі першапачаткова распаўсюджвалася на няўрадавыя арганізацыі, якія прызнаваліся такімі, калі яны займаліся палітычнай дзейнасцю і атрымлівалі сродкі з-за мяжы. На практыцы крытэрыі прызнання арганізацый «агентамі» былі незразумелымі ад пачатку і выкарыстоўваліся для рэпрэсій над незалежнымі групамі. Пазней палажэнні аб «агентах» сталі распаўсюджвацца на СМІ і на фізічных асоб.
PAP / вх