Пагадненне носіць рамачны характар і, як сказаў украінскі лідар, яно будзе падпісана на міністэрскім узроўні.
Тым часам ананімны прадстаўнік Белага дома заявіў Reuters, што візіт Уладзіміра Зяленскага ў Вашынгтон не мае сэнсу, калі пагадненне не будзе дапрацавана.
Прэзідэнт Украіны заявіў, што поспех пагаднення аб эксплуатацыі прыродных радовішча залежыць ад прэзідэнта ЗША Дональда Трампа.
Уладзімір Зяленскі пакуль не пацвердзіў свайго візіту ў Вашынгтон. Ён растлумачыў, што над візітам працуюць каманды абодвух прэзідэнтаў. Аднак палітык прызнаўся, што хацеў бы спытаць у Дональда Трампа, ці спыніць ён ваенную дапамогу Украіне і ці можна будзе выкарыстоўваць замарожаныя расійскія актывы.
Кіеўскі незалежны партал паведаміў, што атрымаў тэкст пагаднення з 11 пунктаў. У ім гаворыцца аб стварэнні Інвестыцыйнага фонду рэканструкцыі. Фонд закліканы падтрымаць доўгатэрміновую эканамічную стабільнасць Украіны. Будуць ім сумесна кіраваць урады ЗША і Украіны. Кіеў абавязаўся пералічваць у фонд 50 працэнтаў будучых даходаў ад украінскіх прыродных рэсурсаў. Пагадненне не распаўсюджваецца на рэсурсы, якія ўжо паступаюць у дзяржаўны бюджэт Украіны. Гэта азначае, што ён не будзе ахопліваць дзейнасць «Нафтагаза» і «Укрнафты», найбуйнейшых вытворцаў нафты і газу ў краіне.
У пагадненні Злучаныя Штаты абавязваюцца, што ў адпаведнасці з дзеючым амерыканскім заканадаўствам урад ЗША «будзе падтрымліваць доўгатэрміновыя фінансавыя абавязацельствы» па развіцці стабільнай і эканамічна квітнеючай Украіны. Больш за тое, у тэксце пагаднення ЗША падтрымліваюць намаганні Украіны «атрымаць гарантыі бяспекі, неабходныя для ўсталявання трывалага міру».
IAR/яс