Беларуская Служба

Rzeczpospolita: Праўленні польскіх фірм на 1/3 складаюцца з жанчын

07.03.2025 14:44
Лік жанчын сярод генеральных дырэктараў павялічыўся больш чым на 3% і дасягнуў  25%, а доля жанчын сярод членаў праўлення павялічылася ажно на 5% да 32,6%.
       33
Доля жанчын у праўленнях кампаній складае амаль 33%Shutterstock/Goksi

Мінулы год прынёс значнае павелічэнне гендарнага балансу ў польскіх фірмах. Доля жанчын у праўленнях кампаній складае амаль 33%, — чытаем у пятнічным выданні Rzeczpospolita.

У той час як буйным кампаніям, якія каціруюцца на біржы, яшчэ трэба прайсці доўгі шлях, каб выканаць патрабаванні дырэктывы ЕС Women on Boards, мы ўжо можам пахваліцца амаль адной трацінай жанчын у іх праўленнях, — сведчаць дадзеныя  кампаніі Dun & Bradstreet Poland, якія  цытуе газета Rzeczpospolita.

Паводле гэтых дадзеных, за апошні год адбылося рэзкае паляпшэнне гендарнага балансу ў польскім бізнесе. Лік жанчын сярод генеральных дырэктараў павялічыўся больш чым на 3% і дасягнуў  25%, а доля жанчын сярод членаў праўлення павялічылася ажно на 5% да 32,6%.

эж