Dissidentby паведаміў аб трагічнай смерці жанчыны, якую некалькі разоў судзілі за экстрэмізм  

Па меркаванні знаёмых жанчыны, яна не вытрымала вобыскаў, пазбаўлення волі, праверак і рэгулярнага псіхалагічнага ціску з боку міліцыі.

Zdjęcie ilustracyjne

Photo: _Alicja_/pixabay.com/CC0 Public Domain

Праваабарончы праект Dissidentby паведаміў аб трагічнай смерці жанчыны, якую некалькі разоў судзілі за экстрэмізм і каралі адміністрацыйным арыштам. Паводле крыніцы Святлана Круцікава з Пінскага раёну нібыта ўчыніла суіцыд.

Апошні суд над ёю адбыўся 6 лістапада ў Пінску за «распаўсюд экстрэмісцкіх матэрыялаў».

Па меркаванні знаёмых жанчыны, яна не вытрымала вобыскаў, пазбаўлення волі, праверак і рэгулярнага псіхалагічнага ціску з боку міліцыі. 10 снежня Святлана кінулася пад цягнік. Людзі кажуць, што іншых абставінаў для такога ўчынку ў жанчыны быць не магло - яна была вельмі актыўнай і жыццярадаснай.

Як піша «Наша ніва», Святлане было 60 гадоў. У яе сацыяльных сетках пазначана, што ў 1987 годзе яна скончыла Пінскі педагагічны каледж. Да гэтага навучалася ў школе-інтэрнаце для дзяцей-сірот і дзяцей, якія засталіся без апекі бацькоў.

аз