Беларусь павялічыць закупкі газу ў Расіі, нягледзячы на скарачэнне яго выкарыстання ў энергетыцы пасля ўводу АЭС. Пра гэта ў інтэрв'ю Беларускаму тэлебачанню заявіў намеснік міністра энергетыкі Дзяніс Мароз, якога цытуе партал reform.news.
«У адрозненне ад еўрапейцаў мы не адмовіліся ад прыроднага газу, нягледзячы на тое, што ў нашай краіне рэалізаваны праект АЭС. Мы па-ранейшаму выкарыстоўваем прыродны газ. Так, на патрэбы электраэнергіі і цеплазабеспячэння, гарачага водазабеспячэння мы цяпер выкарыстоўваем яе менш. Але гэта важны рэсурс, і летась мы закупілі ў Расійскай Федэрацыі 17,2 мільярда кубаметраў газу. Такія ж аб'ёмы будуць захаваны і нават павялічаны з улікам таго, што з'яўляюцца новыя вытворчасці, якія выкарыстоўваюць гэты важны сыравінны рэсурс Расійскай Федэрацыі», — сказаў функцыянер рэжыму.
Аб якіх пастаноўках ідзе гаворка, намеснік міністра энергетыкі не ўдакладніў. Варта адзначыць, што прыродны газ з'яўляецца асноўнай сыравінай для вытворчасці азотных угнаенняў. У Беларусі плануецца павялічыць магутнасці «Гродна Азота».
эж